ab kahin nahi jana..!!

hajaro ki bheed me..
anjani pehchano ke sath
vo jo hai, barso se na hui mulakat..
aisa hamdard, jise dekhne ke baad
lage...ab kahin nahi jana..!!

kabhi kabhar ki udasi
aankho me jo aa jati
duniya ki halchul bhi jise..
har bar na bhar pati..
mann ke uss sannate ko karde aabad..!!
uski ek muskurahat ke baad
lage..ab kahin nahi jana..!!

har baat ko karde aasa..
dard ko ojhal..
meri ansuljhi pareshaniyo ka..
jiske paas ho hal..
marham sa asar karti hui,uski baat
gehraiyo tak sukun jo bharde..vo halaat..ki
lage ..ab kahin nahi jana...!!

baatein jo na tumhe batai..
vo lamhe jo na bate tumse..
itni ankahi keh paungi kaise..
hawao ke hath bheju ya lu khat ka sath..
dil ki pati, dil he se padhte aise jazbaat..ki
lage..ab kahin nahi jana...!!

lage ...ab kahin nahi jana..!!